સુપ્રીમ કોર્ટનો કડક આદેશ: અનામત ચુકાદાઓમાં વિલંબને લઈને તમામ હાઈકોર્ટ પાસેથી રિપોર્ટ માંગ્યો

 સુપ્રીમ કોર્ટનો કડક આદેશ: અનામત ચુકાદાઓમાં વિલંબને લઈને તમામ હાઈકોર્ટ પાસેથી રિપોર્ટ માંગ્યો

તારીખ: 5 મે 2025

સ્થળ: નવી દિલ્હી

ભારતના ન્યાયિક તંત્રમાં ચુકાદાઓના વિલંબ પર ચિંતા વ્યક્ત કરતાં સુપ્રીમ કોર્ટએ આજે તમામ હાઈકોર્ટના રજિસ્ટ્રાર જનરલને આદેશ આપ્યો છે કે તેઓ 31 જાન્યુઆરી 2025 સુધી અનામત રાખવામાં આવેલ તમામ ફોજદારી અને દીવાની કેસોની વિગતવાર રિપોર્ટ રજૂ કરે. સુપ્રીમ કોર્ટના જસ્ટિસ સૂર્યકાંત અને જસ્ટિસ એન.કે.સિંહની બેન્ચે આ મહત્વપૂર્ણ નિર્ણય આપ્યો.

બેન્ચે સ્પષ્ટ કર્યો કે રિપોર્ટમાં દરેક કેસમાં ચુકાદો ક્યારે અનામત રાખવામાં આવ્યો અને હજુ સુધી કેમ જાહેર થયો નથી તે દર્શાવવું ફરજિયાત રહેશે. જો dividion bench કે single benchનો કેસ છે તે પણ સ્પષ્ટ કરવાનું રહેશે.

આ મામલો ચાર દોષિતો દ્વારા દાખલ કરાયેલી અરજીઓને લઈને ઉછડાયો હતો. તેઓ ઝારખંડ હાઈકોર્ટમાં ફોજદારી અપીલમાં દોષિત ઠેરવાયા છે, અને તેમનો આરોપ છે કે 2-3 વર્ષથી ચુકાદા અનામત રાખવામાં આવ્યા છે પણ જાહેર થયા નથી.

અરજદારોના વકીલે કહ્યું કે સુપ્રીમ કોર્ટના નોટિસ બાદ ઝારખંડ હાઈકોર્ટએ અનેક અપીલોનો નિર્ણય કર્યો છે – પરંતુ કેટલાક દોષિતો હજુ પણ નિરાસ છે. સુપ્રીમ કોર્ટએ નોંધ્યું કે નોટિસ બાદ હાઈકોર્ટએ એકસાથે 75 અપીલોનો નિર્ણય કર્યો.

ઉલ્લેખનીય છે કે આ દોષિતો SC/ST સમુદાયના છે અને ત્રણ જણાને હત્યાના, જ્યારે એકને બળાત્કારના ગુનાઓમાં દોષિત ઠેરવાયા છે. ચારમાંથી એક વ્યક્તિ 16 વર્ષથી વધુ સમયથી જેલમાં છે.

સુપ્રીમ કોર્ટએ કડક ટિપ્પણી કરી હતી કે “ચુકાદા જાહેર કરવામાં થતો વિલંબ ખૂબ જ પરેશાન કરનારો છે,” અને વધુમાં જણાવ્યું કે સમયસર ચુકાદા જાહેર કરવા માટે ફરજિયાત માર્ગદર્શિકા તૈયાર કરવામાં આવશે.