"અદાલત બહાર સમાધાન કરનાર અરજદારને કોર્ટ ફી પરત નહીં મળે: સુપ્રીમ કોર્ટ"

 "અદાલત બહાર સમાધાન કરનાર અરજદારને કોર્ટ ફી પરત નહીં મળે: સુપ્રીમ કોર્ટ"

દિલ્હી: સુપ્રીમ કોર્ટે મહત્વનો ચુકાદો આપતા કહ્યું છે કે કોર્ટની બહાર થયેલી સમજૂતીના આધારે કોર્ટ ફી પરત નહીં મળે. આ ચુકાદો SLP (C) No. 723/2023 સંદર્ભે જાગે રામ વિરુદ્ધ વેદ કૌર અને અન્ય કેસમાં આપવામાં આવ્યો હતો.

આ કેસ પંજાબ અને હરિયાણા હાઈકોર્ટના 15 સપ્ટેમ્બર 2022 ના ચુકાદા સામે સપ્રીમ કોર્ટમાં પડકારાયો હતો. અરજદારે દલીલ કરી હતી કે, મામલો હાઈકોર્ટમાં સમજૂતી દ્વારા ઉકેલાઈ ગયો હોવાથી, ટ્રાયલ કોર્ટ અને બંને અપીલત અદાલતોમાં ભરેલી કોર્ટ ફી પરત કરવામાં આવે.

સુપ્રીમ કોર્ટનો અભિપ્રાય

ન્યાયમૂર્તિ પંકજ મિથલ અને અહસનુદ્દીન અમાનુલ્લાહની બેંચે આ મામલાની સુનાવણી હાથ ધરી. અરજદારે જણાવ્યું હતું કે હાઈકોર્ટમાં અપીલ સમજૂતીના આધારે ઉકેલાઈ હોવાને કારણે, ₹29,053/- ની ન્યાયલય ફી પરત કરવાની જોગવાઈ હોવી જોઈએ.

 જોકે હાઈકોર્ટએ આ અરજી નામંજૂર કરી હતી, અને કહ્યું હતું કે ફી પરત કરવાની જોગવાઈ માત્ર ત્યારે જ લાગુ પડશે જ્યારે કેસ આરબિટ્રેશન, લોક અદાલત, મધ્યસ્થતા અથવા ન્યાયિક સમાધાન દ્વારા ઉકેલવામાં આવ્યો હોય.

સુપ્રીમ કોર્ટનો નિર્ણય

સુપ્રીમ કોર્ટે હાઈકોર્ટના આ ચુકાદાને યોગ્ય ગણાવતાં સ્પેશિયલ લીવ પિટીશન (SLP) ફગાવી દીધી.

ન્યાયમૂર્તિઓએ સ્પષ્ટ કર્યું કે:

કેસ અદાલતની બહાર સમજૂતી દ્વારા ઉકેલાયો હોવાથી, કોર્ટ ફી પરત કરવાની જોગવાઈ લાગુ પડતી નથી.

કોર્ટ ફી પરત મેળવવા માટે કેસ ન્યાયલય પ્રભુત્વ હેઠળના સમાધાન મંચમાં ઉકેલાવાનો જરૂરી છે.

આ ચુકાદા પરથી સ્પષ્ટ થાય છે કે પક્ષકારોએ જો કોર્ટની બહાર સમજૂતી દ્વારા મામલો ઉકેલી લે, તો તેઓ કોર્ટ ફી પરત મેળવવા માટે કાયદેસર હકદાર ગણાશે નહીં.

આ ચુકાદો ભવિષ્યમાં આવા કેસ માટે એક નવો નિર્દેશ આપશે, જ્યાં કોર્ટ ફી પરત મેળવવા માટે કાયદાનુસાર ન્યાયલય સમાધાન પ્રક્રિયામાં જ કિસ્સા ઉકેલવા પડશે.

ચુકાદા ની નકલ માટે અહીં ક્લિક કરો